Herzlich Willkomma du liaba Mensch. Du frogsch di sicher was «viver bein» isch. Dia zwei Wörtli kömmen usm Romanischa und heissen übersetzt «guat leba». Wieso Romanisch frogsch di no immer?
Mini mumma (Mama) isch us Sumvitg, a klises Dörfli wo ma Romanisch redet. Verbindig zu dera Sproch isch also irgendwia schu immer do gsi. Aber nid nu das, im ersta Johr an dr FHGR hani Romanisch als Wahlfach knoh und mi vu dera wunderschöna Sproch bir Namensgebig für mis Projekt inspiriera loh.
Do ufm Blog findsch du alles, was dazua ghört, zum eba guat leba. Vu Tipps, über Denkastöss bis zu feina Rezept. Weils miar doch alli verdient hend zum guat leba, meinsch nid au 💯?
Z Gsicht hinter viver Bein bin ih, d Anna. I studiara Multimedia Production an dr FHGR in Chur und han „viver bein“ als Studiumsprojekt aber vorallem als Herzensaglegaheit ins Leba gruafa. Wenn meh zu miar erfahra wetsch, denn wechsel zur Sita „Über mii“.
Ansonsta stay tuned und Tschö mit Ö!